Maxfiylik siyosati

UzExam — O'zbekiston Respublikasi qonun hujjatlariga muvofiq ro'yxatdan o'tgan mustaqil, xususiy o'quv platformasi — davlat organi emas (batafsil: Foydalanish shartlari, «Aloqadorlik yo'qligi va rasmiy manbalar»). Saytimizda siz DTM, prezident maktabi, avtotest, SAT, IELTS va boshqa yo'nalishlar bo'yicha test ishlashingiz mumkin.

Ushbu Maxfiylik siyosati (bundan buyon — Siyosat) quyidagi savollarni oydinlashtiradi:

• Biz qanday ma'lumotlarni to'playmiz va nima uchun?
• Ma'lumotlar qanday saqlanadi va qancha vaqt turadi?
• Kimlar bilan va qaysi holatlarda ulashiladi?
• Sizning huquqlaringiz qanday va ularni qanday ishlatish mumkin?

Siyosat uzexam.uz veb-sayti, Telegram Mini App'i, @UzExamUzBot boti va UzExam'ning barcha mobil ilovalariga (IELTS Mock, Multilevel, SAT Prep, DTM testlari, Milliy sertifikat, Avtotest YHQ, Intervyu savollari va kelgusi ilovalar) qo'llanadi — hammasida bitta UzExam-hisobi ishlatiladi. Platformadan foydalanish orqali siz ushbu Siyosat shartlarini qabul qilgan hisoblanasiz. Agar siz Siyosatning biror qismi bilan rozi bo'lmasangiz — platformadan foydalanishni to'xtating.

Oxirgi yangilanish: 2026-yil 11-oktyabr (insho, Writing va Speaking AI-tekshiruvi baholash provayderi yangilandi; insho suratidan matn o'qish qo'shildi).

2.1 Telegram autentifikatsiyasi orqali

Siz Telegram orqali ro'yxatdan o'tganingizda, Telegram rasmiy Login Widget vositasida quyidagi ma'lumotlarni bizga topshiradi:

• Telegram ID — sizning noyob raqamli identifikatoringiz
• Ism va familiya — Telegram profilingizdagi ism
• Username (@nickname), agar o'rnatilgan bo'lsa
• Profil rasmi URL'i — rasm o'zimizning serverimizda saqlanmaydi; faqat Telegram serveridagi havola

Biz Telegram parolingizni yoki ishlab turgan telefon raqamingizni hech qachon ko'rmaymiz. Telefon raqamingiz faqat siz Premium obunaga qo'shilganingizda yoki texnik yordam uchun ixtiyoriy ravishda taqdim etganingizda to'planadi.

2.2 Google orqali kirish (mobil ilovalar)

Mobil ilovalarimizda Google Sign-In orqali kirsangiz, Google bizga quyidagilarni topshiradi:

• Barqaror Google identifikatori (subject ID) — hisobingizni tanish uchun;
• Email manzilingiz va ismingiz.

Google parolingizni hech qachon ko'rmaymiz — autentifikatsiya to'liq Google tomonida kechadi.

2.3 Email + parol

Email va parol bilan kirishni tanlasangiz (yoki keyin parol o'rnatsangiz):

• Parolingiz qaytarilmas xesh ko'rinishida saqlanadi (Django standarti, PBKDF2) — uni hech kim, jumladan biz ham, asl holicha ko'ra olmaymiz;
• Parolni tiklashda emailingizga 10 daqiqa amal qiladigan bir martalik kod yuboriladi; parol almashganda barcha eski qurilma-sessiyalar xavfsizlik yuzasidan yopiladi.

2.4 Platformadan foydalanish paytida

• Test urinishlari — qaysi savolga qanday javob berganingiz, qancha vaqt sarflaganingiz, qaysi mashq rejimida ishlaganingiz
• Reyting va natijalar — umumiy ochko, daraja, kun ketma-ketligi (streak)
• O'rganish tarixi — qaysi mavzularda qiynalasiz, adaptiv takror algoritmi uchun zarur

2.5 Texnik ma'lumotlar

• IP manzil — firibgarlikka qarshi tekshiruv va hududiy statistika uchun (aniq joylashuv emas, shahar/viloyat aniqligi)
• Brauzer versiyasi va qurilma turi — texnik xatolarni tuzatish va moslashuv uchun
• Sahifa ko'rish vaqtlari — platforma ishlashini yaxshilash uchun anonim tarzda

2.6 Siz ixtiyoriy tarzda taqdim etgan ma'lumotlar

• Shikoyatlar va takliflar — /report orqali yuborgan matnlar
• Foydalanuvchi yaratgan savollar (UGC) — /suggest orqali yuborgan savollaringiz
• Qo'llab-quvvatlash yozishmalari — support@uzexam.uz ga yozgan xatlaringiz
• Sertifikat egasining F.I.Sh. — Milliy sertifikat ilovasida va web'dagi sertifikat-imtihonida imtihon oldidan siz o'zingiz kiritasiz; sertifikatga bosiladi va ochiq tekshirish-sahifasida (uzexam.uz/verify/<kod>/) ko'rinadi. DTM javoblar-varaqasida esa profil-ismingiz ko'rsatiladi (varaqani ismsiz ham yuklab olish mumkin; varaqa serverda saqlanmaydi). Saqlash muddati — 6-bo'lim.

2.7 To'lov ma'lumotlari — karta rekvizitlarini ko'rmaymiz

To'lovlar Telegram Stars, Click yoki mobil ilovalarda Google Play orqali amalga oshiriladi. Bank karta raqami, CVV, muddat, 3D Secure kodlari va boshqa to'lov rekvizitlari faqat o'sha to'lov tizimlarida qoladi. Biz quyidagilarni hech qachon qabul qilmaymiz va saqlamaymiz:

• Bank karta raqami yoki CVV kodi
• Apple Pay yoki Google Pay tokenlari
• Bankingizdagi balans yoki tranzaksiya tarixi
• Telefoningizdagi to'lov ilovalari ma'lumotlari

Biz faqat to'lov tizimi tasdig'ini saqlaymiz:

• To'lov identifikatori (masalan, telegram_payment_charge_id yoki Google Play xarid-tokenining xeshi) — takroriy hisoblashdan himoya uchun;
• To'lov summasi, muvaffaqiyat holati, sanasi va qaysi mahsulot tanlanganligi.

Qo'lda karta-o'tkazma orqali to'ldirishda siz yuborgan chek-rasm faqat to'lovni tasdiqlash uchun ko'rib chiqiladi.

2.8 Ovozli xabarlar (AI Mentor)

Agar siz AI Mentor'ga ovozli xabar yuborsangiz, ovoz yozuvi serverimizda saqlanadi va matnga aylantirish uchun tashqi provayderga yuboriladi (4.3-bo'limga qarang). Ovozli javob so'rasangiz, sizga qaytariladigan nutq ham shu tarzda generatsiya qilinadi.

2.9 DTM rasmiy natija va ruxsatnoma tekshiruvi

Agar siz botdagi DTM natija / ruxsatnoma tekshirish xizmatidan foydalansangiz, rasmiy my.uzbmb.uz tizimidan hujjatingizni olish uchun quyidagilar kerak bo'ladi:

• Pasport seriyasi va raqami
• JShShIR (PINFL) — 14 xonali shaxsiy identifikatsiya raqami

Bu ma'lumotlar:

• faqat DTM hujjatini olish uchun rasmiy uzbmb.uz tizimiga yuboriladi;
• serverimizda shifrlangan holda (Fernet/AES) saqlanadi — keyingi safar qayta kiritmasligingiz uchun;
• olingan PDF takroriy yuklashni kamaytirish uchun UzExam boshqaruvidagi yopiq texnik Telegram storage-kanalda saqlanishi mumkin; kanal ommaga ochiq emas;
• reklama uchun ishlatilmaydi yoki sotilmaydi;
• kredensiallarni yuborish DTM natijalari ochilganda bir martalik Telegram xabari olishga ham rozilikdir;
• ma'lumotni yangilash botdagi tegishli tugma orqali, o'chirish yoki rozilikni qaytarib olish esa /report orqali so'raladi.

Xizmatni o'zingiz boshlaganingiz (buyruqni yuborishingiz) — aynan shu ma'lumotlarni ushbu maqsadda ishlashga roziligingiz hisoblanadi.

2.10 UzExam'ning barcha mobil ilovalari (IELTS Mock, Multilevel, SAT Prep, DTM testlari, Milliy sertifikat, Avtotest YHQ, Intervyu savollari va kelgusi ilovalar)

Rasmiy mobil ilovalarimizdan foydalansangiz, qo'shimcha ravishda:

• Qurilma nomi, modeli va OS versiyasi — sessiyalaringizni «Ulangan qurilmalar» ro'yxatida ko'rsatish va xavfsizlik uchun;
• Push-bildirishnoma tokeni (Firebase Cloud Messaging) — faqat bildirishnoma yuborish uchun; ilova o'chirilsa/chiqilsa deaktiv qilinadi;
• Foydalanish analitikasi (Firebase Analytics) — qaysi ekranlar ochilgani, mock boshlangani kabi hodisalar. Analitika faqat siz Maxfiylik siyosatiga rozilik bildirganingizdan keyin yoqiladi;
• Xato-hisobotlari (Firebase Crashlytics) — ilova qulaganda texnik holat (stack-trace, qurilma modeli); reklama uchun ishlatilmaydi;
• Ro'yxatdan o'tish manbai — qaysi ilova yoki kanal orqali qo'shilganingiz (xizmat-tahlili uchun, bir marta belgilanadi).

Biz qurilmangizdagi kontaktlar, kalendar, kamera, SMS yozishmalari yoki fayllarni YIG'MAYMIZ — faqat o'zingiz tanlab yuborgan profil rasmi, murojaat-skrinshoti yoki insho surati qabul qilinadi. Insho surati (daftarga yozilgan inshoni tekshirish uchun 1–4 ta rasm) faqat matnga o'girish uchun OpenAI'ga, u javob bermagan holda zaxira sifatida Anthropic (Claude)ga yuboriladi; rasm UzExam'da saqlanmaydi — faqat siz tasdiqlab yuborgan matn tekshiruv tarixida qoladi.

Mikrofon faqat siz ovozli funksiyani o'zingiz boshlaganingizda (AI Mentor / AI-yordamchiga ovozli xabar yoki ilovadagi Speaking AI-tekshiruvi) va faqat yozuv davomida ishlatiladi; ruxsatni rad etib, matnli funksiyalardan foydalanishingiz mumkin. AI Mentor ovozli xabarining audio yozuvi suhbat bilan birga saqlanadi va suhbat bilan birga o'chadi (AI Mentor chat ma'lumotlari). Speaking AI-tekshiruvida audio faqat nutqni matnga aylantirish uchun ElevenLabs'ga, matn (transkript) esa baholash uchun OpenAI'ga, u javob bermagan holda zaxira sifatida Anthropic (Claude)ga yuboriladi; audio UzExam'da saqlanmaydi, transkript va baho tekshiruv tarixida qoladi.

Biz to'plangan ma'lumotlardan faqat quyidagi maqsadlarda foydalanamiz:

3.1 Asosiy funktsional xizmatlar

• Hisobingizni yaratish va sizni autentifikatsiya qilish
• Test urinishlari natijalarini saqlash va ko'rsatish
• Sizga mos keladigan savollarni tanlash (adaptiv algoritm)
• Reyting va daraja hisoblash
• Yutuq va streak'larni kuzatish

3.2 Platforma xavfsizligi

• Firibgarlik va cheating harakatlarini aniqlash
• Botlar va avtomatik skrapinglardan himoya
• Spam va zararli faoliyatni bloklash

3.3 Xizmat sifatini oshirish

• Qaysi kontent foydaliligini tahlil qilish (anonim agregat)
• Texnik xatolarni tuzatish
• Yangi funksiyalarni rivojlantirish

3.4 Xabarlar va eslatmalar

• Telegram bot orqali streak eslatmalari
• Yangiliklar va yangi funksiyalar haqida xabarlar (sozlamalarda o'chirish mumkin)
• Muhim texnik va huquqiy o'zgarishlar

Biz sizning o'quv ma'lumotlaringizni — test natijalari, ballar, qiziqish yo'nalishi, streak, sinfingiz, viloyat yoki shahringizni — reklama uchun ishlatmaymiz, reklama-profil qurmaymiz va uchinchi shaxslarga sotmaymiz. Platformadagi reklamalar faqat sahifaning o'ziga qarab tanlanadi (qaysi sahifa va bo'lim ochilgan, sahifa tili, qurilma turi, vaqt, hamda mamlakat — faqat davlat darajasida, so'rov IP-manzilidan) — sizning kimligingizga qarab emas. Batafsil: «Reklama va ko'rsatish statistikasi» bo'limi.

UzExam bir nechta funksiya uchun sun'iy intellekt texnologiyalaridan foydalanadi. Biz o'z ishimizda quyidagi tashqi AI provayderlari bilan hamkorlik qilamiz:

4.1 Anthropic PBC (AQSh) — savol generatsiyasi

• Qaysi ma'lumotlar yuboriladi: savolning mavhum tasnifi (konsepsiya nomi, qiyinchilik darajasi, mavzu) va generatsiya prompt'i
• Qaysi ma'lumotlar YUBORILMAYDI:
  • Sizning Telegram ID'ingiz
  • Sizning ismingiz, username'ingiz yoki profil rasmingiz
  • Sizning test urinishlaringiz
  • Sizning IP manzilingiz yoki qurilma ma'lumotlaringiz
• Ma'lumot qayerda qayta ishlanadi: AQShdagi Anthropic serverlari
• Anthropic siyosati: anthropic.com/legal/privacy

4.2 OpenAI (AQSh) va Anthropic PBC (AQSh) — insho va Writing AI-tekshiruvi

Essay Checker yoki Multilevel Writing AI-tekshiruviga matn yuborsangiz — savol generatsiyasidan farqli o'laroq — insho matningizning o'zi baholash uchun OpenAI'ga, u javob bermagan holda zaxira sifatida Anthropic (Claude)ga yuboriladi.

• Qaysi ma'lumotlar yuboriladi: insho matni, topshiriq turi (Task 1/2) va savol matni
• Qaysi ma'lumotlar YUBORILMAYDI: Telegram ID'ingiz, ismingiz, username'ingiz, profil rasmingiz yoki boshqa hisob ma'lumotlaringiz — so'rov faqat insho matnini o'z ichiga oladi
• Maqsad: TA/CC/LR/GRA mezonlari bo'yicha band ball va yozma tavsiya generatsiya qilish

Inshoingizda shaxsiy ma'lumot (ism, manzil va h.k.) yozmaslikni tavsiya qilamiz — bu baholash uchun zarur emas.

4.3 ElevenLabs Inc. (AQSh) — AI Mentor ovozli funksiyasi

AI Mentor'ga ovozli xabar yuborsangiz yoki ovozli javob so'rasangiz, quyidagi ma'lumot ElevenLabs'ga yuboriladi:

• Ovozdan matnga (STT): ovoz yozuvingiz — matnga aylantirish uchun
• Matndan ovozga (TTS): AI Mentor javobi matni — sizga o'qib beriladigan audio generatsiya qilish uchun
• Hisob ma'lumotlari: Telegram ID yoki username kabi hisob maydonlari audio/matnga alohida avtomatik qo'shilmaydi. Lekin audio, transkript yoki AI javobida ism yoki boshqa shaxsiy ma'lumot bo'lsa, u shu mazmun bilan birga yuboriladi. AI Mentor konteksti haqida AI chat ma'lumotlari bo'limiga qarang.
• Ma'lumot qayerda qayta ishlanadi: AQShdagi ElevenLabs serverlari
• ElevenLabs siyosati: elevenlabs.io/privacy

Yuborgan ovoz yozuvingiz AI Mentor suhbat tarixingiz bilan saqlanadi. Suhbatni o'chirsangiz, uning xabarlari va bog'langan ovozli fayllari o'chiriladi; so'nggi xabaridan 90 kun o'tgan suhbat ham avtomatik o'chiriladi. Hisobni va suhbatni o'chirish, texnik qayta urinish hamda zaxira nusxalari tafsilotlari AI chat ma'lumotlari bo'limida.

4.4 AI tomonidan yaratilgan kontent

Platformadagi ba'zi savollar, tushuntirishlar va rasmlar AI yordamida yaratilgan. Bunday kontent "AI yordamida yaratilgan" belgisi bilan aniq ko'rsatiladi.

AI yaratgan kontentning aniqligi tekshirilgan bo'lsa-da, biz 100% aniqlikni kafolatlay olmaymiz. Rasmiy imtihonlarga tayyorgarlik uchun har doim ishonchli manbalarga (DTM rasmiy testlari, darslik, o'qituvchi) murojaat qiling.

Agar siz AI tomonidan yaratilgan noto'g'ri savolni aniqlasangiz — iltimos, savol ostidagi "Shikoyat" tugmasi orqali bizga xabar bering.

Biz sizning shaxsiy ma'lumotlaringizni sotmaymiz, ijaraga bermaymiz va savdo maqsadlarida ulashmaymiz. Ma'lumotlar faqat quyidagi cheklangan hollarda uchinchi shaxslarga yetkaziladi:

5.1 Texnik xizmat ko'rsatuvchilar

• Contabo GmbH (Germaniya) — serverimiz joylashuv provayderi. Barcha ma'lumot ular serverlarida saqlanadi.
• Telegram (Telegram Messenger LLP) — autentifikatsiya va bot xabarlari uchun
• Anthropic PBC (AQSh) — AI savol generatsiyasi (shaxsiy ma'lumot YUBORILMAYDI) va insho / Writing AI-tekshiruvining zaxira baholovchisi (matningiz yuboriladi) sifatida — 4-bo'limga qarang
• OpenAI (AQSh) — insho, Writing va Speaking AI-tekshiruvini baholash uchun (insho matni yoki nutq transkripti yuboriladi) — 4-bo'limga qarang
• ElevenLabs Inc. (AQSh) — AI Mentor ovozli funksiyasi uchun audio va javob matni yuboriladi. Hisob maydonlari alohida avtomatik qo'shilmaydi, ammo mazmun ichidagi shaxsiy ma'lumot ham uzatiladi — AI chat ma'lumotlari bo'limiga qarang.
• To'lov provayderlari — Premium obunalar uchun to'lov operatorlari (Click, Payme, Uzum Bank) bilan ishlaymiz. Biz sizning bank kartangiz raqamini hech qachon ko'rmaymiz.

5.2 Qonuniy talablar

O'zbekiston Respublikasi qonuniyligi talabiga muvofiq, agar rasmiy sud qarori yoki huquqni muhofaza qiluvchi organlarning qonuniy so'rovi bo'lsa, biz kerakli ma'lumotlarni taqdim etishimiz mumkin. Bunday holatlarda biz sizni imkon boricha xabardor qilamiz (agar sud qarori bunga man etmasa).

5.3 Ommaviy ma'lumotlar

Sizning ism, username va profil rasmingiz ommaviy reytinglarda ko'rinishi mumkin. Agar siz reyting'da ko'rinishni istamasangiz, profilingiz sozlamalarida "Reyting'da yashirish" variantini yoqing.

13 yoshdan kichik foydalanuvchilar avtomatik ravishda reyting'da anonim tarzda ko'rsatiladi (real ism ko'rsatilmaydi).

Hisobingizni o'chirganingizda u avval 90 kunlik tiklash-oynasiga o'tadi: bu davrda hisob hech kimga ko'rinmaydi va kirish yopiq, lekin qaytib kirishga urinsangiz ilova hisobni tiklashni taklif qiladi. 90 kundan so'ng shaxsiy identifikatorlar (ism, email, Telegram/Google bog'lamlari, telefon, qurilma-yozuvlari, parol) qaytarilmas anonimlashtiriladi. Qonun talabi asosida saqlanishi shart bo'lgan moliyaviy yozuvlar (to'lov tranzaksiyalari) shaxsga bog'lab bo'lmaydigan ko'rinishda qoladi. AI Mentor suhbatlari yangi faollik bo'lmagani uchun ko'pi bilan 90 kun ichida avtomatik o'chadi. O'chirilgan ma'lumot shifrlangan zaxira nusxalarida (faqat avariyadan tiklash uchun) qolishi mumkin.

Botdagi DTM natija / ruxsatnoma tekshirish xizmatida rasmiy my.uzbmb.uz tizimidan hujjatni olish uchun pasport seriyasi va raqami hamda 14 xonali JShShIR talab qilinadi.

• Pasport/JShShIR faqat shu xizmat uchun uzbmb.uz tizimiga yuboriladi va UzExam bazasida Fernet/AES bilan shifrlangan holda saqlanadi.
• Olingan PDF takroriy yuklashni kamaytirish uchun UzExam boshqaruvidagi yopiq texnik Telegram storage-kanalda saqlanishi mumkin; kanal ommaga ochiq emas.
• Ma'lumot reklama uchun ishlatilmaydi yoki sotilmaydi.
• Kredensiallarni yuborish — yuqoridagi qayta ishlashga va DTM natijalari ochilganda bir martalik Telegram xabari olishga rozilikdir.
• Ma'lumotni yangilash botdagi tegishli tugma orqali, o'chirish yoki rozilikni qaytarib olish esa /report orqali so'raladi.

Sizning shaxsiy ma'lumotlaringizga nisbatan quyidagi huquqlaringiz bor:

7.1 Ma'lumotingizni ko'rish huquqi

Biz siz haqingizda qanday ma'lumotlar saqlayotganimizni ko'rishingiz mumkin. Profilingiz sozlamalarida "Ma'lumotlarim" bo'limi orqali JSON formatidagi to'liq eksport faylini yuklab oling.

7.2 Tuzatish huquqi

Xato yoki eskirgan ma'lumotlarni tuzatishingiz mumkin. Ismingizni Telegram orqali o'zgartiring — platformamiz avtomatik yangilanadi.

7.3 O'chirish huquqi ("forgotten bo'lish huquqi")

Hisobingizni istalgan vaqtda o'chirishingiz mumkin: mobil ilovada Profil → Ulangan akkauntlar → "Hisobni o'chirish" (yoki privacy@uzexam.uz ga so'rov yuboring). O'chirilgach hisob 90 kun tiklash-oynasida saqlanadi — bu davrda qayta kirishga urinsangiz, hisobni tiklash taklif etiladi. 90 kundan so'ng shaxsiy ma'lumotlaringiz qaytarilmas anonimlashtiriladi (8-bo'limga qarang).

7.4 Ishlov berishni cheklash huquqi

Ba'zi ma'lumotlar ishlov berishni cheklashingiz mumkin, masalan:

• Reyting'da ko'rinmaslik (Sozlamalar → "Reyting'da yashirish")
• Marketing xabarlarni to'xtatish
• Streak eslatmalarini o'chirish
• Mobil ilovada push-bildirishnomalarni o'chirish (qurilma sozlamalari)

7.5 Kirish-usullarini boshqarish huquqi

Telegram/Google bog'lamlarini istalgan payt ulash yoki uzishingiz, ikkita hisobingiz bo'lsa — ularni birlashtirishingiz mumkin ("Hisoblarni bog'lash va birlashtirish" bo'limiga qarang).

7.6 Shikoyat huquqi

Agar bizning ma'lumotlarni ishlov berishimiz bilan rozi bo'lmasangiz — privacy@uzexam.uz ga murojaat qiling. Javob 30 kun ichida beriladi.

Bundan tashqari, O'zbekiston Respublikasi Raqamli rivojlanish vazirligi qoshidagi Shaxsiy ma'lumotlarni himoya qilish bo'yicha davlat organiga shikoyat bilan murojaat qilish huquqingiz bor.

UzExam 13 yoshdan kattalar uchun mo'ljallangan. Agar siz 13 yoshdan kichik bo'lsangiz, ota-onangiz yoki qonuniy vakilingiz roziligisiz platformadan foydalanmang.

Ota-onalar uchun

Agar sizning bolangiz (13 yoshdan kichik) bizning platformamizdan foydalanayotganini bilsangiz va uning ma'lumotlarini o'chirishni xohlasangiz — privacy@uzexam.uz ga yozing. 7 kun ichida hisob va barcha ma'lumotlar o'chiriladi.

Voyaga yetmaganlar uchun qo'shimcha himoya

• 13–17 yoshdagi foydalanuvchilar reyting'da familiyasi yashirilgan holda ko'rsatiladi
• Profil rasmi majburiy emas
• Marketing xabarlar yuborilmaydi
• Premium obunani sotib olish uchun ota-ona roziligi tavsiya etiladi

Biz sizning ma'lumotlaringizni himoya qilish uchun quyidagi choralarini ko'ramiz:

• TLS 1.3 shifrlash — sayt bilan aloqa har doim shifrlangan
• PostgreSQL database — muntazam zaxira nusxalash, access control
• Firewall va fail2ban — serverda aktiv xavfsizlik
• HMAC-signed API — bot bilan Django o'rtasida
• Ikki bosqichli autentifikatsiya admin paneli uchun
• Rate limiting — bruteforce hujumlariga qarshi
• IP whitelist — admin paneli faqat ma'lum IP'lardan kiritiladi

Hech bir tizim 100% xavfsiz emas. Agar siz xavfsizlik xatosini topsangiz — security@uzexam.uz ga xabar bering. Biz responsible disclosure dasturini qo'llab-quvvatlaymiz.

Biz faqat xizmat ishlashi uchun zarur bo'lgan texnik cookie'larni ishlatamiz:

• sessionid — kirgan foydalanuvchini aniqlash uchun
• csrftoken — CSRF hujumlariga qarshi himoya
• theme — dark/light mode sozlamasi
• language — til tanlovi

Biz uchinchi tomon reklama cookie'larini ishlatmaymiz. Google Analytics va Yandex Metrika faqat anonim agregat statistika uchun ishlatiladi, sizning shaxsiyatingizni aniqlamaydi.

UzExam serveri Germaniya (Contabo) hududida joylashgan. Ba'zi xizmatlar (tanlangan modelga qarab Google Gemini, Anthropic, OpenAI, xAI yoki DeepSeek; ElevenLabs va Telegram) AQSh va boshqa davlatlarda joylashgan serverlardan foydalanishi mumkin. Ma'lumot uzatish va qayta ishlash haqida:

• Barcha uzatishlar TLS shifrlash bilan himoyalangan
• Provayderlar ma'lumotni o'z xizmat va maxfiylik shartlariga muvofiq qayta ishlaydi; ularning shartlari va qayta ishlash joyi farq qilishi mumkin
• AI xizmatini bajarish uchun zarur xabar, audio yoki o'quv konteksti tanlangan provayderga yuboriladi; unda shaxsiy ma'lumot bo'lishi mumkin. Uzatiladigan va avtomatik qo'shilmaydigan ma'lumotlar AI chat ma'lumotlari bo'limida ko'rsatilgan
• Ma'lumot uzatilishi minimal darajada saqlanadi

Biz ushbu Siyosatni vaqti-vaqti bilan yangilashimiz mumkin. Har bir o'zgarish:

• Ushbu sahifaning yuqori qismidagi "Oxirgi yangilanish" sanasida ko'rsatiladi
• Jiddiy o'zgarishlar bo'lsa, siz Telegram bot orqali xabardor qilinasiz
• Yangi versiya e'lon qilingandan 7 kun o'tgach kuchga kiradi

Agar o'zgarishlar bilan rozi bo'lmasangiz, platformadan foydalanishni to'xtatib, hisobingizni o'chirishingiz mumkin. Foydalanishni davom ettirishingiz yangi Siyosatni qabul qilganingizni bildiradi.

Platformada o'z mahsulotlarimiz e'lonlari (house-banner) va, keyinchalik, uchinchi tomon reklama bannerlari ko'rsatilishi mumkin. Har qanday pullik reklama «Reklama» belgisi bilan aniq ajratiladi.

Reklama ko'rsatish uchun nima yig'amiz

• Pseudonim ko'rish-identifikatori — maxfiy kalit bilan hisoblangan hash; har kuni avtomatik yangilanadi va sizning shaxsingizga qaytarib bog'lab bo'lmaydi. Cookie QO'YILMAYDI.
• Sahifa turi (masalan «kategoriya sahifasi»), qurilma turi (mobil/kompyuter) va bannerning ko'ringan/bosilgan fakti.

Yig'MAYMIZ: xom IP-manzil va brauzer-ma'lumoti reklama yozuvlarida saqlanmaydi; ismingiz, telegram-hisobingiz yoki test-natijalaringiz reklama tizimiga ulanmaydi.

Maqsad

• Bannerni ko'rsatish va bir foydalanuvchiga haddan ko'p takrorlamaslik (chastota-cheklash);
• soxta ko'rishlarga qarshi himoya (anti-fraud);
• reklama beruvchiga faqat agregat hisobot (jami ko'rishlar/bosishlar — hech qachon shaxsiy ma'lumot emas).

Targeting faqat kontekstual

Reklama faqat so'rovning o'z xususiyatlariga qarab tanlanadi (masalan, IELTS sahifasida IELTS kursi). Ishlatiladigan signallar:

• qaysi sahifa yoki ilova bo'limi ochilgan;
• sahifa/interfeys tili;
• qurilma turi (mobil / kompyuter);
• hafta kuni va soat;
• mamlakat — faqat davlat darajasida (masalan «O'zbekiston»), so'rov IP-manzilidan server tomonda aniqlanadi. Shahar, viloyat yoki aniq joylashuv ishlatilmaydi, IP-manzilning o'zi reklama yozuvlarida saqlanmaydi.

O'quv natijalaringiz, qiziqish yo'nalishingiz, ballaringiz, yoshingiz yoki shaxsiy profilingiz reklama tanlashda ishlatilmaydi — bu 3-bo'limdagi «reklama-profillash qilmaymiz» va'damizning davomi.

Voyaga yetmagan foydalanuvchilar

Platformamiz auditoriyasida 18 yoshga to'lmagan foydalanuvchilar ham bor. Biz yoshni tekshirmaymiz va shu maqsadda qo'shimcha shaxsiy ma'lumot so'ramaymiz. Buning o'rniga har bir reklama voyaga yetmagan foydalanuvchiga ko'rinadi deb hisoblaymiz va shundan kelib chiqamiz:

• 18+ toifadagi reklama (qimor, alkogol, tamaki, kredit va mikroqarz, tanishuv xizmatlari va boshqalar) butun platformada taqiqlangan;
• har bir reklama efirga chiqishdan oldin inson tomonidan ko'rikdan o'tkaziladi;
• reklama hech qachon yosh, sinf yoki o'quv natijasiga qarab yo'naltirilmaydi — bunday sozlama tizimimizda umuman mavjud emas;
• kreativda voyaga yetmaganni to'g'ridan-to'g'ri xaridga chaqirish yoki ota-onaga bosim o'tkazishga undash taqiqlangan («Reklama to'g'risida» Qonun, 17-modda).

Saqlash muddati va reklamasiz rejim

• Ko'rish-identifikatori (hash) — 90 kundan keyin o'chiriladi; xom yozuv 1 yildan keyin to'liq o'chiriladi; faqat umumiy statistika saqlanadi.
• Premium obunachilar va so'nggi 90 kunda to'lov qilganlar reklama ko'rmaydi.

UzExam — yagona hisob tizimi: Telegram, Google va email+parol bitta hisobga ulanadi va istalgani bilan kirishingiz mumkin (web, bot yoki mobil ilova — hammasi bitta profil, bitta tarix, bitta balans).

Bog'lash va uzish

• Mobil ilovada Profil → Ulangan akkauntlar orqali Telegram yoki Google'ni ulashingiz/uzishingiz mumkin;
• Xavfsizlik uchun kamida bitta kirish-usuli har doim ulangan qolishi shart;
• Telegram-ulash bot orqali yuboriladigan bir martalik kod bilan tasdiqlanadi — kodni faqat o'zingiz ko'rasiz.

Ikki hisob birlashtirilganda (merge)

Agar ulamoqchi bo'lgan identifikator (masalan, Telegram) allaqachon boshqa UzExam hisobiga tegishli bo'lsa — ikkala hisob ham sizniki ekanligini ikkala identifikatorni birdaniga isbotlash orqali tasdiqlaysiz va hisoblarni birlashtirishni so'rashingiz mumkin. Birlashtirishda:

• o'quv tarixi, natijalar, obunalar va bonus-balans (MXM) bitta hisobga qo'shiladi (balanslar yig'iladi, har bir o'tkazma ichki moliyaviy jurnalda auditli qayd etiladi);
• ikkinchi hisob yopiladi va unga qaytib bo'lmaydi;
• jarayon qaytarilmas — shuning uchun ilova avval boshqa hisob xulosasini ko'rsatib, aniq tasdiq so'raydi;
• birlashtirish fakti ichki auditda saqlanadi.

AI Mentor (sayt, Telegram-bot va mobil ilovalardagi AI-yordamchi) bilan suhbatda quyidagi ma'lumotlar qayta ishlanadi:

• Suhbat mazmuni — yozgan matningiz, ovozli xabaringizning audio yozuvi va transkripti hamda AI javoblari. Ular hisobingizga bog'lanib saqlanadi va chat tarixida ko'rinadi; siz ularni arxivlashingiz, o'chirishingiz yoki eksport qilishingiz mumkin. Mobil ilovada har ilova faqat o'zida boshlangan suhbatlarni ko'rsatadi; saytda barcha suhbatlaringiz ko'rinadi.
• AI-provayderlarga nima yuboriladi — javob yaratish uchun xabaringiz va suhbatning kerakli oldingi qismi; javobni sizga moslashtirish uchun o'quv kontekstingiz: profilingizdagi ism, streak va kunlik reja, zaif mavzular va takrorlanadigan xatolar soni, reytingdagi o'rningiz (va sizdan yuqoridagi ishtirokchining ommaviy nomi), DTM bo'yicha ball, fanlar va maqsad OTM prognozlari, ochiq test holati va siz turgan sahifa; shuningdek oldingi suhbatlardan yig'ilgan qisqa «o'quv portreti». Matnli javobni tanlangan model provayderi — Google (Gemini), Anthropic (Claude), OpenAI, xAI (Grok) yoki DeepSeek — yaratadi; ovozli rejimda nutqni tanish va javobni ovozga aylantirish uchun audio va matn ElevenLabs'ga yuboriladi. Telegram guruhlarida shaxsiy kontekst ishlatilmaydi. Provayderlar ma'lumotni o'z xizmat shartlari bo'yicha qayta ishlaydi.
• Xodimlar uchun AI Laboratoriyasi — xodim ixtiyoriy xAI ovoz sinovini tanlasa, sinov audiosi nutqni tanish uchun yoki sinov matni ovoz yaratish uchun xAI'ga yuboriladi. Bu o'quvchilar ovozli chatining odatiy ElevenLabs xizmatini almashtirmaydi.
• Avtomatik yuborilmaydi — parolingiz, email, telefon raqamingiz, to'lov kartasi rekvizitlari va ichki identifikatorlaringiz. Biroq xabarga o'zingiz yozgan har qanday ma'lumot xabar matni bilan birga yuboriladi.
• Hisob-kitob yozuvlari — har navbat uchun model, token soni va MXM narxi (suhbat matnisiz) buxgalteriya va nizolarni hal qilish uchun saqlanadi.
• Saqlash muddati — suhbat siz o'chirmaguningizcha saqlanadi, lekin so'nggi xabaridan 90 kun o'tgan suhbat (arxivlangan bo'lsa ham) xabarlari va ovozli yozuvlari bilan avtomatik o'chiriladi (2026-yil 29-sentyabrdan). Muddat yaratilgan sanadan emas, so'nggi faollikdan hisoblanadi.
• O'chirish — suhbatni o'chirsangiz, uning xabarlari darhol o'chadi va unga bog'langan ovozli fayllar serverimizdan o'chiriladi (texnik xatoda keyingi kunlik tozalashda qayta uriniladi). Arxivlash o'chirish emas. Suhbatni o'chirish boshqa suhbatlaringizga, profilingizga va hisob-kitob yozuvlariga ta'sir qilmaydi.
• Hisobni o'chirganingizda — suhbatlar yangi faollik bo'lmagani uchun ko'pi bilan 90 kun ichida yuqoridagi tartibda o'chadi, o'quv portreti esa hisob anonimlashtirilganda o'chiriladi. O'chirilgan ma'lumot shifrlangan zaxira nusxalarida (faqat avariyadan tiklash uchun) qolishi mumkin.

Maxfiylik bilan bog'liq har qanday savol yoki so'rovlar uchun:

• Email: privacy@uzexam.uz
• Telegram: @uzexam_support
• Pochta: O'zbekiston Respublikasi, Toshkent shahri

Ma'lumot bilan ishlov berish mas'uli (DPO) bilan to'g'ridan-to'g'ri aloqaga chiqish uchun: dpo@uzexam.uz

Javobni 30 kun ichida olasiz. Agar siz ma'lumot ishlov berilishidan norozi bo'lsangiz, O'zbekiston Respublikasi Raqamli rivojlanish vazirligiga shikoyat qilishingiz mumkin.